پەیامی سەرۆك بارزانی لەبارەی جووتیارانی كورد درایە بەغدا
لەسەر ئاڵۆزییەكانی ئەمڕۆی سەرگەڕان كە سوپای عێراق هێرشیان كردووەتە سەر جووتیارانی كورد، سەرۆك بارزانی پەیامێكی ئاراستەی بەغدا كردووە.
بە گوێرەی قسەی سەرچاوەیەك" لە سەر ڕووداوەكانی ئەمڕۆی گوندەكانی سەرگەڕان، سەرۆك بارزانی پەیامی بۆ بەغدا ناردووە كە ئەم ڕەفتارانەی بەغدا مایەی قبوڵكردن نین و دژی یاسا و دەستووریشن و دەبێ كۆتاییان پێ بهێنرێت .
هەروەها دووپاتی كردووتەوە كە هەرچی پێویستیش بێت بۆ پاراستنی مافی یاسایی و دەستووری جووتیارانی كورد ئەنجامی دەدەین .
ئەوە لەكاتێكدایە كە كەمێك لەمەوبەر شاخەوان عەبدوڵا ئەوەی بە جووتیارانی كورد گەیاند و ئەوانیش سوپاسی سەرۆك بارزانیان كرد بۆ ئەو هەڵوێستانەی.
وەڵام بدەوه