نێچیرڤان بارزانی سەرۆكی هەرێمی كوردستان رای گەیاند، لێكتێگەیشتن و هەنگاوی گرنگ لە نێوان پارتی و یەكێتی بۆ پێكهێنانی حكوومەتی نوێ هەیە و كۆبوونەوەكانی داهاتوو بۆ دابەشكردنی پۆستەكان دەبێت.
لە كۆنگرەیەكی رۆژنامەوانیدا كە ئەمڕۆ لە میونشن ئەنجامیدا، نێچیرڤان بارزانی سەرۆكی هەرێمی كوردستان ئامانجی بەشداری لە كۆنفرانسی ئاسایشی میونشن خستە ڕوو گوتی، ئەوە هەنگاوی گرنگە كە لەماوەی چەند رۆژێكە چەندان دیداری گرنگ ئەنجام دەدرێت.
لەمیانەی پرسیاری هەنگاوەكانی پێكهێنانی حكوومەتی نوێ نێچیرڤان بارزانی گوتی، لە گفتوگۆیەكی رژد هەیە لە نێوان پارتی و یەكێتی و گەشبینین كە لەماوەیەكی نزیكدا كابینەی نوێی حكوومەت دێتە راگەیاندن
روونیشی كردەوە كە لێكتێگەیشتن و پێكەوە كاركردن ئامانجی هەردوو لایەنی پارتی و یەكێتییە و كۆبوونەوەی داهاتوو بۆ یەكلا كردنەوەی پۆستەكان دەبێت لە نێوان هەردوولا و پێكهاتەكان.
لەبارەی هاتنی شاندی ئیمڕاڵی بۆ هەولێر ئاماژەی بۆ ئەوە كرد كە سبەی كۆبوونەوەی لەگەڵ شاندەكە هەیە و پێشبینی دەكات كە پەیامی ئاشتیان پێ بێت بۆ داهاتووی كورد لە توركیا.
وەڵام بدەوه