بەڕێوەبەری گشتی بازرگانی هەرێم رای دەگەیەنێت، دەست بە دابەشكردنی ئاردی مانگی دوو دەكەین و كوالێتی زۆر باشە.
ئەمڕۆ هەینی 14ی شوبات، نەوزاد شێخ كامیل بەڕێوەبەری گشتی بازرگانی هەرێم، بە "وشە"ی راگەیاند، ئاردی مانگی یەك كۆتایی هاتووە و دەستكراوە بە ئامادەكاریی بۆ دابەشكردنی ئاردی مانگی دوو.
زیاتر گوتی، ئاردی مانگی دوو دابەشدەكرێت بەسەر هاووڵاتییان بۆ هەموو هەرێم، ئاردەكەش لە گەنمی ناوخۆی سایلۆكان دەبێت و گەنمی تری تێكەڵ ناكرێت و كوالێتییەكەی زۆر باشە بۆ بەكارهێنان.
روونی كردەوە، ئەمساڵ هەوڵدەدەین گرفتی دابەشكردنی ئارد روونەدات و لەو وادەی وەزارەتی بازرگانی عێراق بۆمان دیاری بكات ئارد دابەش بكەین.
پێویستە بگوترێ، لە بەشەخۆراكی مانگانە، حكوومەتی عێراق ماوەی چەند ساڵێكە لەبری 12 بەشەئارد، تەنیا 10 بەشە ئارد دەداتە هاووڵاتییان.
محەمەد سابیر، بریكاری ئارد راگەیاند، دوو مانگە كە ئاردی بەشەخۆراك دابەشدەكرێت بەسەر هاووڵاتییان كوالێتی زۆر باشبووەو خەڵك لێی رازیبوون.
وەڵام بدەوه