Kurdistan Press - بە تۆمەتى تێکدانى ئاسایشی هەرێمى کوردستان کەسێک دەستگیر کرا بە تۆمەتى تێکدانى ئاسایشی هەرێمى کوردستان کەسێک دەستگیر کرا | Kurdistan Press

KurdistanPress...

CLOSE

بە تۆمەتى تێکدانى ئاسایشی هەرێمى کوردستان کەسێک دەستگیر کرا

پۆلیسی هەولێر ڕایدەگەیەنێت، كەسێكیان بە تاوانی شێواندنی دۆخی ئاسایشی هەرێمی كوردستان دەستگیركردووە و لە كاتێكی نزیكدا وردەكاریی زیاتر بۆ ڕای گشتی دەخاتەڕوو.

ڕۆژی یەکشەممە ژمارەیەک مامۆستا و فەرمانبەر لە سلێمانییەوە بە مەبەستی خۆپیشاندان بۆ داواکاری مووچە بەرەو هەولێر بەڕێ کەوتن، بەڵام پارێزگاری هەولێر ڕایگەیاند ئەو مامۆستایانە مۆڵەتی خۆپیشاندانیان نییە تا ئاسایشیان بپارێزین، بۆیە ڕێگە نەدرا لە بازگەی دێگەڵە بڕۆن بۆ هەولێر.

 بەڕێوەبەرایەتی پۆلیسی هەولێر لە ڕاگەیێنراوێكدا دەڵێت، دوای ئەوەی چەند لایەنێکی دەرەوەی هەرێمی کوردستان هەوڵی شێواندنی دۆخی ئاسایشی هەرێمی کوردستانیان دا، بەڕێوەبەرایەتیەکەمان بە هەماهەنگی لەگەڵ بەڕێوەبەرایەتی ئاسایشی هەولێر، گەیشتە هەندێک دەرئەنجام و هەندێک لەو کەسانەی وەکو ئامرازی برەوپێدانی ئەو هەڵمەتە ناڕەوایە دەستنیشان کران، یەکێکیان دەستگیر کرا و لە کاتێکی نزیکدا وردەکاریی زیاتر بۆ ڕای گشتی دەخرێتەروو.

 بەر لەو ڕاگەیێنراوەی پۆلیسی هەولێر، دوای بڵاوبوونەوەی دەنگۆی دەستگیركردنی خۆپیشاندەران، تیمێكی تایبەتی دەستەی سەربەخۆی مافی مرۆڤ، سەردانی ئاسایشی هەولێریان کرد دەرکەوت هیچ خۆپیشاندەرێک دەستگیر نەکراوە و بانگ نەکراوە بۆ ئاسایشی هەولێر. هیچ سکاڵایەکیش لەسەر ئەو بابەتەو یان بوونی حاڵەتی دەستگیرکردن بەفەرمی نەگەیشتۆتە دەستەکە لەلایەن هیچ کەس و ڕێکخراو و لایەنێک.

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه