بەبۆنەی مانگی ڕەمەزانی پیرۆز، سەرۆكایەتیی شارەوانیی هەولێر بە هەماهەنگیی وەزارەتی شارەوانی و پارێزگای هەولێر گەورەترین فێستیڤاڵ دەكاتەوە و ڕایدەگەیەنێت، بۆ ئەوانەی دەیانەوێ بەشداریی لەو فێستیڤاڵەدا بكەن "پێویستە (بڕوانامەی کار، مۆڵەتی تەندروستی، نموونەی کاری هاوشێوە) لەگەڵ خۆیدا بێنێت."
ئەمڕۆ سێشەممە 4ی 2ی 2025، سەرۆكایەتیی شارەوانیی هەولێر ڕایگەیاند: "سەرۆکایەتیی شارەوانیی هەولێر بە هەماهەنگیی وەزارەتی شارەوانی و گەشتوگوزار و پارێزگای هەولێر، گەورەترین فێستیڤاڵ بەبۆنەی مانگی ڕەمەزانی پیرۆز لە ژێر سێبەری قەڵا لە بەردەم پارکی شار ساز دەکات."
بۆ ئەم مەبەستە سەرۆكایەتیی شارەوانیی هەولێر داوا لەو هاووڵاتییانە دەكات، کە ئارەزووی بەشداریکردنی ئەو فێستیڤاڵەیان هەیە "بە هەر جۆرە چالاکییەکی (خواردنی کوردەواری، خواردنی بیانی، کاری دەستی و چالاکی هونەری و هتد...) دەتوانن سەردانی سەرۆکایەتیی شارەوانیی هەولێر بکەن."
ئەوەش دەخاتە ڕوو، كە ئارەزوومەندان لە ڕێگەی زیادكردنی ئاشكراوە، كە ڕۆژی سێشەممە 4ی 3ی 2025، كاتژمێر 10ی بەیانی لە سەرۆكایەتیی شارەوانیی هەولێر دەست پێ دەكات، دەتوانن هەلی كار و پێدانی شوێنی كار لە شەوانی مانگی ڕەمەزان دەستەبەر بكەن.
سەرۆكایەتیی شارەوانیی هەولێر مەرجی ئارەزوومەندان بۆ بەشداریكردن لەو فێستیڤاڵە دەخاتە ڕوو و ڕایدەگەیەنێت، "پێویستە (بڕوانامەی کار، مۆڵەتی تەندروستی، نموونەی کاری هاوشێوە) لەگەڵ خۆیدا بێنێت."
ئاشكراشی كرد، كە ئەو فێستیڤاڵە لە یەکەم ڕۆژی مانگی ڕەمەزان دەست پێدەکات.
وەڵام بدەوه