ئاگاداریەک لە هاتوچۆی هەولێر بۆ شوفێران

بەڕێوەبەرایەتی هاتوچۆی پارێزگای هەولێر ڕایگەیاند، بەهۆی كاركردن لە پڕۆژەی ئاوی ئیفراز، لە ئەمڕۆوە شەقامی خزمەتگوزاری 120 مەتری لە گەرەکی ڕۆشنبیری نزیک بەنزینخانەی سازین تا قوتابخانەی ڕۆنا بۆ ماوەیەکی کاتی دادەخرێت و شوفێران دەتوانن شەقامی جێگرەوە بەکاربهێنن.
بەڕێوەبەرایەتی هاتوچۆی پارێزگای هەولێر لە ڕاگەیەندراوێكدا بڵاویكردەوە، ئاگاداری شوفێرانی شاری هەولێر دەکەنەوە كە لە ئەمڕۆ ڕێکەوتی 3ی (شوبات/2)ی 2025ەوە بەهۆی کارکردن لە پڕۆژەی ئاوی ئیفراز، شەقامی خزمەتگوزاری 120 مەتری لەگەرەکی ڕۆشنبیری نزیک بەنزینخانەی سازین تا قوتابخانەی ڕۆنا بۆ ماوەیەکی کاتی دادەخرێت

ئاماژەی بەوەشكرد، داوا لە شوفێران دەکەن هاتوچۆ بە شەقامەدا نەکەن و شەقامی جێگرەوە بەکاربهێنن تا کاری هەڵکندن و گواستنەوەی بۆڕی ئاوە کە تەواو دەبێت

بەگوێرەی راگەیەندراوەكەی بەڕێوەبەرایەتی هاتوچۆی پارێزگای هەولێر، دوای تەواوبونی کارەكان، هاتوچۆ لە شەقامەکە ئاسایی دەبێتەوە و شۆفێران ئاگادار دەكەنەوە.