پەیامی مەسرور بارزانی لەبارەی مووچە دەگەیێنرێتە بەغدا

بریکاری وەزارەتی دارایی عێراق ڕایدەگەیێنێ، لەسەر ڕاسپاردەی سەرۆکوەزیران مەسرور بارزانی لەگەڵ محەممەد شیاع سوودانی، سەرۆکوەزیرانی عێراق کۆبووەوە، کە تیایدا پەیامی سەرۆکوەزیرانی کوردستانی لەبارەی بودجە و مووچە بە سووودانی گەیاند.
 
  ئەمڕۆ سێشممە ڕێباز حەملان بریکاری وەزارەتی دارایی عێراق، لەسەر ڕاسپارەی مەسرور بارزانی سەرۆکوەزیرانی کوردستان، بۆ بەرگریکردن لە قوتی خەڵکی کوردستان و دابینکردنی شایستە داراییەکانیان سەردانی محەممەد شیاع سوودانی سەرۆکوەزیران عێراق کۆبووەوە و، لەبارەی بودجە و مووچەی فەرمانبەرانی هەرێمی کوردستان پەیامی سەرۆکوەزیران مەسرور بارزانی و ئەنجامی کۆبوونەوەی نائاسایی ئەنجوومەنی وەزیرانی هەرێمی بە سوودانی گەیاند.
 
ڕاگەیێنراوی فەرمی:
 
- لە کۆبوونەوەکەدا لەگەڵ سوودانی بە وردەکاری تەواوی ئەو هەنگاوانەم باسکرد کە لەسەر داواکاری وەزارەتی دارایی فیدراڵ، حکومەت و وەزارەتی دارایی هەرێمی کوردستان ڕۆژانە بەبەردەوام بە چەندین تیم بە ئامادەبوونی نوێنەرانی وەزارەتی دارایی فیدراڵ کاردەکەن بۆ چارەسەرکردنی کێشەکان.
 - مووچەی خەڵکی کوردستان زۆر دواکەوتوە و بارودۆخی ژیان و گوزەرانی هاووڵاتیانی هەرێم لە دۆخێکی ناجێگیر و خراپە، خەڵک زۆر پشوو درێژ و خۆراگربوون، دواتر باسم لەوە کرد داواکاری هەرێمی کوردستان لە چوارچێوەی دەستورە کە وەک هەرێم مامەڵەی لەگەڵ بکرێت و یاسای بودجەو بریارەکانی دادگای فیدراڵییە وەک خۆی بچێتە بواری جێبەجێکردن تایبەت بە شایستە داراییەکانی هەرێم .
هەمووان چاوەرێی کۆبوونەوەی ڕۆژی هەینی داهاتوین لە بەغدا لە نێوان هەردو وەفدی حکومەتی هەرێمی کوردستان و وەزارەتی دارایی فیدراڵ بە سەرۆکایەتی بەرێز دکتۆر فؤاد حسێن، جێگری سەرۆک وەزیران و سەرۆکی ئەنجومەنی ئابووری