لە و شارە 199 مامۆستا و 14 بەڕێوەبەری قوتابخانە خانەنشین دەبن

بەڕێوەبەری پەروەردەی بەردەڕەش باس لەوە دەكات، لە شارۆچكەكەیاندا 119 مامۆستا و فەرمانبەر خانەنشین دەبن كە خۆی و 14 بەڕێوەبەری قوتابخانەی لەگەڵدایە.

پاڵپشت بە داواكاری بۆ جێبەجێكردنی یاسای خانەنشینی یەكگرتووی عێراق، رۆژی 15ی ئەم مانگە، مەسروور بارزانی سەرۆك وەزیرانی كوردستان بڕیاری دا كە تەمەنی 60 ساڵە خانەنشین بكرێن، مەرجی بەغدایش ئەوەیە كە تا كۆتایی ئەم مانگە ئەوانەی خانەنشینی دەیانگرێتەوە، بڕیارەكەیان لەسەر جێبەجێ بكرێت. 

مامۆستا مەھدی خەلیل بەڕێوەبەری پەروەردەی بەردەڕەش كە خۆی یەكێكە لەوانەی بڕیارەكە دەیگرێتەوە، بە "وشە"ی راگەیاند، بەھۆی بڕیاری حكوومەتی ھەرێمی كوردستان، 119 مامۆستا و فەرمانبەر خانەنشین دەبن لەگەڵ 14 بەڕێوەبەری قوتابخانە لە سنوورەكەدا.

ئاماژەی بۆ ئەوە كرد، بە رۆیشتنی ئەم هەموو مامۆستایە بۆشایی دروست دەبێت، بەڵام وەزارەتی پەروەردە لەگەڵ سەرۆكی حكوومەت لەسەر هێڵن بۆ ئەوەی ئەو كێشەیە چارەسەر بكرێت، ئەویش شوێنیان پڕ بكرێتەوە یان دەستبەرداری كار دوا بخرێت.

دووپاتی لەوەیش كردەوە كە كێشە زیاتر لە پسپۆڕییەكان دروست دەبێت لە قۆناغی ئامادەییدا، لە قۆناغەكانی تردا كێشەمان نابێت و ھەوڵ دەدەین مامۆستایانی گرێبەست ئەو بۆشایەی دروست دەبێت پڕ بكەنەوە