"هەژماری من" ئاگەدارییەكی بەپەلەی ئاراستەی سەرجەم خانەنشینان كرد و دووپات دەكەنەوە كە پێویستە فۆڕمی خۆتۆماركردن بگەڕێننەوە.
هەژماری من لە ئاگەدارییەكدا رای گەیاند، داوا لە سەرجەم ئەو خانەنشینانە دەكەین كە فۆڕمی تۆماركردنیان لە پڕۆژەی (هەژماری من) پڕكردووەتەوە و تا ئێستە نەیان گەڕاندووەتەوە بەزووترین كات بیگەڕێننەوە بۆ ئەو بانكانەی فۆڕمەكەیان لێ وەرگرتووە.
"ئەو خانەنشینانەی فۆرمی پڕۆژەی 'هەژماری من'ـیان وەرگرتووە و نەیانگەڕاندووەتەوە، پێویستە فۆرمەكانیان بە زووترین كات پڕبكەنەوە و بیگەرێننەوە بۆ ئەو بنكەیەی تۆماركردنی پڕۆژەی هەژماری من لەو بانكە حكومیەی فۆرمەكەیان تیایدا وەرگرتبوو، تاوەكو بتوانن مووچەكانیان لە هەژماری بانكی تایبەت بە خۆیان و بە ئاسانی وەربگرن" لەناوەڕۆكی ئاگەدارییەكەدا وا نووسراوە.
شایەنی باسە تائێستە زیاتر لە 290 هەزار فەرمانبەری خانەنشین فۆرمی پڕۆژەی 'هەژماری من'ـیان وەرگرتووە.
وەڵام بدەوه