نوێنەرانی كورد لە بەغدا لەگەڵ لیژنەی دانووستانكاری حكوومەتی هەرێمی كوردستان لە ماڵی د. شاخەوان عەبدوڵا جێگری سەرۆكی پەرلەمانی عێراق لە كۆبوونەوەدان.
شەوی رابردوو، شاندی هەرێمی كوردستان بە مەبەستی چارەسەری كێشەی مووچە و كۆبوونەوە لەگەڵ تەیف سامی وەزیری دارایی عێراق چوونە بەغدا.
كەمێك لەمەوبەر، سەرچاوەیەكی تایبەت راگەیاند، بە ئامادەبوونی د.شاخەوان عەبدوڵا جێگری سەرۆكی پەرلەمانی عێراق، لیژنەی دانووستانكار و فراكسیۆنە كوردستانییەكانی بەغدا لە كۆبوونەوەدان.
ڕوونیشی كردەوە كە هەمووان لە كۆبوونەوەكەدا بەشدان و مەبەستیانە كۆدەنگییەك لەسەر بەدەستهێنانی مافی كورد لە بەغدا دروست بكەن.
بە گوتەی ئەو سەرچاوەیە ئەو كۆبوونەوەیە بۆ پابەندییە لەسەر دەسپێشخەرییە نیشتمانییەكەی مەسروور بارزانی سەرۆك وەزیرانی كوردستان كە لە 11ی ئەم مانگە لە هەولێر رای گەیاند و داوای كرد بە یەكگرتووی داوای مافەكانی كورد لە بەغدا بكرێت.
وەڵام بدەوه