دوای ئەو مشتومڕەی وەزارەتی دارایی عێراق لەبارەی رەوانەكردنی پشكی هەرێمی كوردستان لە بودجە دروستی كردووە، بەوەی پارەی تەواوی بۆ مووچە رەوانە كردووە، ئەندامێكی لیژنەی دارایی پەرلەمانی عێراق دووپاتی دەكاتەوە كە بەغدا بەپێی یاسای بودجە پارە و پشكی هەرێمی كوردستانی نەناردووە.
ئەمڕۆ یەكشەم، جەمال كۆچەر ئەندامی لیژنەی دارایی پەرلەمانی عێراق راگەیاند، بەپێی یاسای بودجە، بەغدا پشك و پارەی پێویستی لە ساڵی 2024 بۆ هەرێمی كوردستان نەناردووە.
ئەو باسی لەوەش كرد، یاسای بودجە كە لە پەرلەمان دەنگی پێ دراوە، 213 تریلیۆن دینار بووە، تەنیا بودجەی ساڵی 2024، بڕەكەی 156 تریلیۆن دینار بووە، كە پێكهاتووە لە بودجەی حاكیمە و سیادی و وەبەرهێنان و بەكارخستن، بەغدا بەپێی ئەوە پارەی بۆ هەرێم ناردووە.
لەبارەی ئەوەی ئاخۆ بەغدا بەپێی خەرجیی فیعلی پارەی بۆ هەرێم ناردووە كۆچەر دووپاتی كردەوە، وەزیری دارایی عێراق دەڵێ ناردوومانە، هەرێمیش دەڵێت پارەی تەواومان بۆ نەهاتووە، لیژنەی بەدواداچوونی راستییەكان خەریكی ئەوەن.
وەڵام بدەوه