ئەندامێکی لیژنەی دارایی پەرلەمانی عێراق ڕایدەگەیێنێ، ئەو لیژنە هاوبەشەی بۆ بەدواداچوونی خەرجكردنی مووچە و شایستەكانی هەرێمی كوردستان پێكهێنراوە و ئەم هەفتەیە دەست بە كارەكانی دەكات.
دوای كۆبوونەوە نائاساییەكەی ڕۆژی 11-1-2025ـی ئەنجوومەنی وەزیرانی هەرێمی كوردستان بەئامادەبوونی وەزیرانی كورد و فراكسیۆنە كوردستانییەكان، دواتریش گەیاندنی ناڕەزایی و داواكارییەكان بە حكومەتی فیدڕاڵی لەبارەی نەناردنی شایستە داراییەكانی هەرێمی كوردستان لەلایەن بەغداوە، حكومەتی فیدڕاڵی بڕیاریدا بە پێكهێنانی لیژنەیەكی هاوبەش بۆ بەدواداچوونی ئەو گرفتە و ئامادەكردنی ڕاپۆرتێك لەمبارەیەوە.
نەرمین مەعروف، ئەندامی لیژنەی دارایی لە پەرلەمانی عێراق ڕایگەیاند، لیژنەكە ئەم هەفتەیە دەست بە كارەكانی دەكات و بەوردی بەدواداچوون بۆ ڕاپۆرتی دارایی هەردوو حكومەتی هەرێمی كوردستان و فیدڕاڵی دەكات و لە خشتە و ژمارەكان دەكۆڵێتەوە.
ڕوونیشی كردەوە، لیژنەكە بەدواداچوون دەكات لەبارەی پرسی مووچەی مانگی 12ـی ساڵی ڕابردووی فەرمانبەران و خانەنشینانی هەرێمی كوردستان كە تا ئێستا مووچەكانیان وەرنەگرتووە و لەزووترین كاتدا ڕاپۆرتی خۆی ئامادە دەكات.
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه