بەڕێوەبەرایەتیی بازرگانی کەلوپەلی خۆراکیی هەولێر ئاگادارییەکی بۆ سەرجەم بریکارەکانی خۆراکی سنووری پارێزگای هەولێر و دەورووبەری بڵاوکردەوە.
ئەمڕۆ چوارشەممە 31/1/2024، بەڕێوەبەرایەتیی بازرگانی کەلوپەلی خۆراکیی هەولێر بڵاوی کردەوە: "ئاگاداری سەرجەم بریکارەکانی خۆراکی سنووری پارێزگای هەولێر و دەورووبەری دەکەینەوە کە لەکاتی وەرگرتنەوەی لیستی بریکاری خۆراک چیتر پارە بە دەست (کاش) وەرناگیرێت، بۆیە پێویستە بریکار بە زووترین کات بە ناوی خۆی یاخود یەکێک لە ئەندامانی خێزانی (ماستر کارد) لە یەکێک لە بانکەکان دروست بکات تاوەکوو لە کاتی سەردانیکردنیان بۆ بەڕێوەبەرایەتییەکەمان بە مەبەستــی وەرگرتنەوەی لیستـی بریکاری بەو (ماستر کارد)ەی دروستی کردووە لە ڕێگەی ئامێری تایبەت لە ناو بەڕێوەبەرایەتیی بازرگانی خۆراکیی هەولێر پارەکە دەدات."
ئاماژە بەوەش دراوە: "دەتوانرێت بە یەک (ماستر کارد) چەند بریکارێک کارەکەیان ڕایی بکەن و پارەکە بدەن و ئەم بڕیارەش لەگەڵ دابەشکردنی سەبەتە ( وەجبە)ی دووەمی بەشە خۆراک دەچێتە واری جێبەجێکردنەوە."
وەڵام بدەوه