شارەزایەکی بواری کەشناسی رایگەیاند کە دوو شەپۆلی بارانبارین روو لە ناوچە جیاوازەکانی هەرێمی کوردستان دەکات.
ئەمشەو شەممە 4/1/2025، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "لە ڕۆژی سێشەممەوە 7/1/2025، بەهۆی پاشەکشەی بارسته هەوای ساردی وشکی جەمسەری و هاتنی بارستە هەوایەکی نیمچەگەرم کە روو لەسەرجەم ناوچە جیاوازەکانی هەرێمی کوردستان دەکات پلەی گەرمی 3 تا 4 پلەی سیلیزی بەرز دەبێتەوە و لە ناوچەکانی هەولێر، کەرکووک و گەرمیان کەشێکی تەواوبەهاری دروست دەبێت و پلەکانی گەرما لە ناوچەکانی ئیدارەی گەرمیان دەگاتە 23 پلەی سیلیزی کە تاوەکوو ناوەڕاستی هەفتەی بەردەوام دەبێت."
ئاماژەشی بەوە داوە: "دواتر نزمەپەستان جێگای دەگرێتەوە و پێشبینی دەکرێت لە نێوان 12 بۆ 16ی ئەم مانگە، دوو شەپۆلی دیکەی بەفروباران ڕوو لە هەڕێمی کوردستان بکات."
وەڵام بدەوه