ڕۆژی یەكشەممە 21ی ئابی 2022 لە سەلاحەددین سەرۆك مەسعود بارزانی پێشوازی لە بەڕێز سوزیكی كۆتارۆ باڵیۆزی ژاپۆن لە عێراق كرد.
لە دیدارەكەدا كە بەڕێز ئاراكاوا میكیهیرۆ كونسوڵی گشتیی ژاپۆن لە هەولێر ئامادەی بوو، باڵیۆزی ژاپۆن وێڕای ئاماژەدان بە خەباتی گەلی كوردستان بۆ گەیشتن بە ئازادی، ستاییشی ڕۆڵی جەنابی بارزانیی نەمر و سەرۆك بارزانی و پارتی دیموكراتی كوردستانی كرد بۆ هەوڵەكانیان لە مسۆگەركردنی ماف و دەستكەوتی مێژوویی بۆ گەلی كوردستان.
هەر لەو دیدارەدا باڵیۆزی ژاپۆن لە عێراق ئەوەی دووپاتكردەوە كە سەقامگیریی هەرێمی كوردستان بەلای وڵاتەكەیەوە بابەتێكی گرنگە و جێگەی بایەخە. هەروەها كورتەیەكی لەبارەی هاوكاری و هەماهەنگییەكانی وڵاتەكەی لە هەرێمی كوردستان و ناوچە كوردستانییەكانی دەرەوەی ئیدارەی هەرێم و شوێنەكانی تری عێراق خستەڕوو كە پەیوەست بوو بە بابەتی خزمەتگوزراییە گشتییەكان و دابینكردنی ئاو و كارەبا. سەرۆك بارزانیش سوپاسی باڵیۆزی ژاپۆنی كرد و هیوای خواست پەیوەندییەكانی نێوان هەردوولا گەشەی زیاتر بكەن.
بارودۆخی سیاسیی عێراق و هەڵبژاردنەكانی هەرێمی كوردستان تەوەرێكی تری ئەو دیدارە بوو و سەرۆك بارزانی جەختی لەوە كردەوە كە پارتی دیموكراتی كوردستان هەمیشە خوازیارە و ئامادەیە هەڵبژاردنەكانی كوردستان لە وادەی دیاریكراوی خۆیدا بەڕێوەبچێت.
وەڵام بدەوه