نوێترین هەواڵ سەبارەت بە مووچەی مانگی ١١

بەگوێرەی ئەو زانیارییانەی كە لە سەر زاری بەرپرسێكی وەزارەتی دارایی هەرێم بڵاو کراوەتەوە"  

ئەو تیمەی لەلایەن وەزارەتی دارایی عێراقەوە ڕەوانەی هەرێم كراون تاڕادەیەكی زۆر كۆتاییان بەكارەكانیان هێناوە كە برتیبوو لە ئامادەكردنی ڕاپۆتی كۆتایی ساڵ تایبەت بەخەرجی و داهاتەكان، هاوكات شێوازی ئامادەگردنی لیستی مووچەی فەرمانبەرانی هەرێم.

ئاماژەی بەوەشكرد" لەهەفتەی داهاتوو ئەو تیمە تەكنیكییەی وەزارەتی دارایی عێراق دەگەڕێنەوە بەغدا هاوكات هەر لەگەڵ ئەوتیمە تیمێكی تەكنیكی لە وەزارەتی دارایی هەرێمیش لەگەڵیاندا دەڕۆنە بەغدا و لیستی مووچەی مانگی 12ی فەرمانبەرانی هەرێم ڕادەستی وەزارەتی دارایی عێراق دەكرێت بۆ ئەوەی بڕیاری خەرجكردنی لەبارەوە بدرێت".

ئەو بەرپرسەی وەزارەتی دارایی هەرێم ئەوەشی ڕوونكردۆتەوە"  هەردوو وەزارەتی دارایی هەرێم و عێراق ڕێككەوتوون كە بەبۆنی كۆتایی ساڵ حساباتی دارایی تایبەت بە مووچەی فەرمانبەرانی هەرێم دانەخرێت تا ئەوكاتەی كە گرفتی مووچە و كۆتهێنان پڕدەكرێتەوە، هاوكات لەگەڵ كۆتایی هاتن بە دابەشكردنی مووچەی مانگی 10 مووچەی مانگی 11ش دابەشدەكرێت.