شاکر مەحموود، بەڕێوەبەری گشتی کارەبای دھۆک، بە ماڵپەڕی فەرمیی پارتی دیموکراتی کوردستانی راگەیاند: "بڕیارە وێستگەیەکی نوێی بەرھەمھێنانی کارەبا لە سنووری چەمانکێ و سەرسنگ دروست بکرێت و تێیدا لە قۆناغی یەکەم ١٠٠ مێگاوات کارەبا بەرھەم دێنێت و لە قۆناغەکانی دیکەش ڕێژەی بەرھەمھێنانی وێستگەکە دەگەیەندرێتە ٣٠٠ مێگاوات کارەبا ئەمەش کاریگەری لەسەر زیادبوونی بەرھەمھێنانی کارەبا دەبێت".
بەڕێوەبەری گشتی کارەبای دھۆک گوتیشی: "بڕیارە لە ئایندەیەکی نزیکدا دەست بە جێبەجێکردنی پڕۆژەکە بکرێت و سوود لەو غازەی لە بیرە نەوتەکانی ناوچەکە به‌فیڕۆ دەچێت وەردەگیرێت و کارەبای لێ بەرھەم دێت، ھاوکات ڕوونیشیکردەوە، کارەبای پارێزگای دھۆک لە کۆنتڕۆڵی گشتی ھەرێمی کوردستانەوە لە رێگەی تۆڕی نیشتیمانی دەگات، لەبەر ئەوەش ھەر بڕە کارەبایەک لە پارێزگای دھۆک یان پارێزگایەکی دیکە بەرھەم بێت ئەوە دەچێتەوە ناو تۆڕی گشتی کارەبای ھەرێمی کوردستان، بەڵام بەرھەمھێنانی کارەبا لە دھۆک کاریگەری خۆی دەبێت لەسەر زیادبوونی بەرھەمی کارەبای ھەرێم
وەڵام بدەوه