ئەمشەو، قایمقامیەتی قەزای قەرەداغی سنووری پارێزگای سلێمانی ئاشکرای کرد، بەھۆکاری بارانی بەخوڕ و دروستبوونى لافاو، لە ئێستادا ڕێگای چەند گوندێک ئاستەنگی ھاتوچۆی بۆ دروست بووە بەتایبەتی گوندەکانی( شیوی قازی، دوکەرۆ، دوکان ).
ئاماژەی بەوەش دا، كە تیمەکانی ئاوەدانکردنەوە و بەرگری شارستانی لەھەوڵدان بۆ پاککردنەوەی ڕێگاکان و ھاوکاری ئەو ماڵانەی پێویستیان بەھاوکاری ھەبێت.
قایمقامیەتی قەرەداغ داوای لە ھاووڵاتیانی سنوورەکە کردووە، کە لەئێستادا ئەو ڕێگایانەی ھاتوچۆی پێدا ناکرێت و بەتەواوەتی گیراوە "داواکارین ھاووڵاتیان ئەو ڕێگایانە بەکارنەھێنن تاوەکوو پاک دەکرێتەوە و ھاتوچۆ تێدا ئاسایی دەبێتەوە."
وەڵام بدەوه