بەڕێوەبەری گشتی بازرگانی هەرێم رای دەگەیەنێت، دەستكراوە بە دابەشكردنی بەشە خۆراك و ئاردیش، دەڵێت لە هەولێر و دهۆك "ماش" دابەشكراوە و لە سلێمانی لەبری ماش "نیسك" دراوە.
ئەمڕۆ یەكشەم 27ی ئۆكتۆبەر، نەوزاد شێخ كامیل بەڕێوەبەری گشتی بازرگانی هەرێم، بە "کوردستان پرێس"ی راگەیاند، دەستمان كردووە بە دابەشكردنی بەشەخۆراك و ئارد، بەشەخۆراك هی مانگی حەوت و ئاردیش هی مانگی هەشتە.
زیاتر گوتی، بەشەخۆراكی ئەم مانگە جیاوازە و مادە زیادكراوە، لە هەولێر و دهۆك ماش دابەش دەكرێت بۆ هەر كەسێك چارەكە كیلۆیەك دەدرێت، خێزانێكی چوار كەسی یەك كیلۆ وەردەگرێت و لەجۆری زۆر باشە.
باسی لەوە كرد، لە سلێمانی لەبری ماش، نیسك دراوە و بەو بڕەی بەدەستمان دەگات دابەشی سەر هاووڵاتییانی دەكەین و بەردەوامین لە دابەشكردن.
ئەكرەم جەمیل بریكاری دابەشكردنی خۆراك، بە "کوردستان پرێس"ی راگەیاند، ئەم مانگە لە بەشەخۆراك شەكر و رۆن و برنج و دۆشاو و نیسك و ماش و نۆك و لەتكەنۆك دابەش دەكرێت و مانگانە گۆڕانكاریی لەنێوان نۆك و نیسك و ماش و لەتكەنۆك دێت، دوانیان دابەش دەكرێن.
وەڵام بدەوه