دوای بڵاوكردنەوەی ئەنجامی هەڵبژاردنەكان، ژنە كاندیدێكی یەكێتی لە سنووری هەولێر چەند نهێنییەكی حزبەكەی ئاشكرا كرد و رای گەیاند، كڕینی دەنگ بە پارە هەبووە.
ئەمڕۆ سێشەم 22ـی ئۆكتۆبەر، هەورام عەبدولخالق حەوێز كاندیدی یەكێتی لە كۆیە رای گەیاند، سەربەرزم كە توانیم لەم پرۆسەیە كەسایەتیی خۆم بپارێزم و نەچمە ژێر باڵ و سێبەری هیچ كەسێك، بە مەبەستی سەركەوتنم بۆ پەرلەمان، پەناش بۆ كڕینی دەنگی دەنگدەر نەبەم، كە هەندێكیان بە پارە و پوول دەنگی خەڵكیان كڕی بۆ سەرخستنیان بۆ پەرلەمانی كوردستان.
هاوكات پرسیاری ئەوەی لە كاندیدەكانی یەكێتی كردووە كە بە دەنگی كڕاو و دەرچوون دەپرسێت، تۆ چۆن داكۆكیكاری مافی خەڵك دەبی لە پەرلەمان كە بە دەنگی كڕاو دەرچووبی.
روونی دەكاتەوە، ئەوەی هێناومانە، بە دڵنیاییەوە ئەوە دەنگی ڕاستەقینەی ئێمە نییە، هەموو كاندیدێك سەنگ و قورسایی خۆی دەزانێ و داتای دەنگدەری خۆی لایە، ئەوانەی دەرچوون، هەموو خەڵك دەزانن كە كێ پاڵپشت و پشتیوانیان بوو، بە داخەوە لە ناو خۆمان فێڵ لە دەنگەكانمان كرا بۆ سەرخستنی كاندیدێكی دڵخوازی خۆیان، بە سەتان دەنگی كەسوكار و خێزانی خۆمان، دۆست و لایەنگرانمان و تیمەكانمان بۆ كێ چوو؟.
وەڵام بدەوه