کوڕە شەهیدێکی یەکێتی ، كێ لەم دۆخە بەرپرسە

كێ لەم دۆخە بەرپرسە..؟!
هیچم نییە بۆ سەركردایەتی ئێستای یەكێتی، چونكە هەرچی بڵێین، تاوانبار دەكرێین بە دەست یان پیاوی ئەم و ئەو!
تەنها ئەمەوێ یەك شت بڵێم: یەكێتی بۆتە حیزبی هەردی سەڵاح و شنیار ئەنوەر، ئەوان تا دوێنێ جنێویان بە حزب و ناموسی سەركردەكانمان و خوێنی شەهیدانمان دەدا، ئێستا هاتونە سەر حازری.
دەی چۆن خوا قبوڵی دەكات، كوڕی شەهید رێباز موئامەرەی لێبكرێت تا دەرنەچێ، كەچی لەولاوە (ئەمر) بكرێت و دەنگ بە هەردی سەڵاح بدرێت!
گۆڤاری شەهید لاوە و چەندین مناڵە شەهید و تێكۆشەری تر دەرنەچن، بەڵام هێزە ئەمنیەكانمان راسپێرن، دەنگ بە هەردی بدرێت.
لیستی یەكێتی لە سلێمانی، دەرزەنێك مناڵ و كەسوكاری شەهیدی تیابوو، كەچی فەرمانكرا دەنگ (شنیار ئەنوەر) بدرێت، ئەو شنیارەی هیچ نەماوە بە سمبولەكانی یەكێتی نەوتبێت.
دەمێك بوو وازم لەو رەخنە و قسانە هێنابوو، بەڵام ئیتر بێدەنگ نابم، چونكە خوێنم بۆ یەكێتی داوە، بەس ئێستا ئەوەی نرخی نەبێ، كەسوكاری شەهیدە
ئیتر من یەكێتی نیم، چونكە كەس ئەم یەكێتیە ناناسێتەوە، ئەمە یەكێتیەكەی مام نییە، هی هەردی سەڵاح و شنیارە!!
كاوانی شەهید حسێنی حاجی فەرەج
كاوان جاف