Kurdistan Press - کاتى ئاشکراکردنى ئەنجامى دەنگدان ڕاگەیاندرا کاتى ئاشکراکردنى ئەنجامى دەنگدان ڕاگەیاندرا | Kurdistan Press

KurdistanPress...

CLOSE

کاتى ئاشکراکردنى ئەنجامى دەنگدان ڕاگەیاندرا

سەرۆکی کۆمیسیۆنی باڵای سەربەخۆی هەڵبژاردنەکانی عێراق رایدەگەیەنێت، لە ماوەی 24 کاتژمێردا ئەنجامی بەرایی دەنگدان ڕادەگەیەنرێت. ئاماژە بەوەش دەدات پڕۆسەكە تا ئێستا بە باشی بەڕێوە چووە.

حاکم عومەر ئەحمەد، سەرۆکی کۆمیسیۆنی باڵای سەربەخۆی هەڵبژاردنەکانی عێراق ئەمڕۆ دوای دەنگدانی لە بنكەیەكی تایبەت لە هەولێر، بۆ ڕۆژنامەنووسان رایگەیاند، تا ئێستا پرۆسەکە زۆر بە باشی بەڕێوەدەچێت و دوای 24 کاتژمێر لە تەواوبوونی پڕۆسەكە لە كاتژمێر 6:00ی ئێوارەی ئەمڕۆ، ئەنجامی بەرایی دەنگدان رادەگەیەنرێت.

لە كاتژمێر 7:00ی بەیانی ئەمڕۆ یەكشەممە 20ی ئۆكتۆبەری 2024، بنكەكانی دەنگدان بە رووی هاووڵاتیانی هەرێمی كوردستان كراونەتەوە.

بە گوێرەی تۆماری بایۆمەتری دەنگدان، كۆی گشتیی ژمارەی دەنگدەرانی هەرێمی كوردستان بۆ دەنگدانی گشتی، دوو ملیۆن و 654 هەزار و 169 دەنگدەرن و 215 هەزار و 960 دەنگدەریش لە تایبەت مافی دەنگدانیان هەبووە.

پێشتر كۆمیسیۆنی باڵای سەربەخۆی هەڵبژاردنەكانی عێراق ڕایگەیاند: ژمارەی كاندیدەكان بۆ هەڵبژاردنی خولی شەشەمی پەرلەمانی كوردستان، هەزار و 191 كاندیدن، لەو ژمارەیەش 823 كەسیان پیاون و 368 یان ئافرەتن.

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه