ماڵباتێكی گەورەی یەكێتی هاتنە ڕیزەكانی پارتی دیموكراتی كوردستان و وازیان لە یەكێتی هێنا، ئەوان خۆشحاڵیی خۆیان بە پێوەندیكردن بە پارتی دیموكراتی كوردستان راگەیاند.
ئەمڕۆ چوارشەم 16ـی ئۆكتۆبەر، سەنگەر كانەبی گەورە بەرپرسی لقی 23ـی پارتی دیموكراتی كوردستان، راگەیاند، لە شارۆچكەی قوشتەپە ماڵباتی حەسەن عەدنان شاخۆڵانی هاتنەڕیزیان بۆ ناو پارتی دیموكراتی كوردستان راگەیاند.
زیاتر گوتی، خۆشحاڵ و شەرەفمەندین بە پێوەندیكردنیان وەك ماڵباتێكی تێكۆشەر و قوربانیدەر، پارتییان هەڵبژارد و هاتنەڕیزەوە و لە زاری خۆیانەوە رایان گەیاند، خۆشحاڵین لەناو ریزەكانی پارتی دیموكراتی كوردستان درێژە بەخەباتی نیشتمانی و نەتەوەیی خۆمان بدەین.
هاتنی ئەو ماڵباتە لە كاتێكدایە، دوێنێش ماڵباتێكی خاوەن پێنج شەهید وازیان لە یەكێتی هێنا و هاتنە ڕیزەكانی پارتی دیموكراتی كوردستان.
وەڵام بدەوه