پەروەردەی پێنجوێن داوایەكی بەپەلە ئاڕاستەی وانەبێژان دەكات و دەڵێت: سبەینێ لە بەڕێوەبەرێتی پەروەردە ئامادەبن.
بەڕێوەبەرێتی پەروەردەی پێنجوێن لە ئاگادارییەكدا ئاماژە بەوەدەكات، لەسەر داوای بەڕێوەبەرێتیمان سبەینێ كە دەكاتە ڕۆژی شەممە 12ی ئۆكتۆبەر، تیمێكی پشكنینی چاو لە بەڕێوەبەرایەتی گشتی تەندروستی سلێمانییەوە دێنە پێنجوێن و لەناو دیوانی پەروەردەی پێنجوێن پشكنینی چاو بۆ ئەو مامۆستا بەڕێزانە دەكەن كە پێشتر مامۆستای وانەبێژ بوون و ئێستە بوونەتە مامۆستای گرێبەست.
بەڕێوەبەرێتی پەروەردەی پێنجوێن ڕاشیگەیاند، داوا لە هەموو ئەو بەڕێزانە دەكەین كە مامەڵەی گرێبەست بوونیان ئەنجام داوەو ئەوانەشی كە هێشتا مامەڵەكەیان ئەنجام نەداوە سبەینێ لەناو دیوانی بەڕێوەبەرێتیمان ئامادەبن بۆ ئەوەی لەلایەن ئەو تیمە بەڕێزەوە پشكنینی چاویان بۆ بكرێت.
پەروەردەی پێنجوێن ئەوەشی گوتووە، تیمەكە لە كاتژمێر هەشت و نیوی بەیانی تا یەكی نیوەرۆ بۆ ماوەیە تەنیا یەك رۆژ دەمێننەوە..
وەڵام بدەوه