بە بڕیاری سەرۆكی حكوومەت، سەرجەم مامۆستایانی وانەبێژ لە قوتابخانە ئاینییەكان كران بە گرێبەست، ئەوەیش خزمەتێكی گرنگ پێشكەشی خوێندنی ئاینی دەكات.
ئەمڕۆ پێنجشەم سێی تشرینی یەكەم، نەبەز ئیسماعیل گوتەبێژی وەزارەتی ئەوقاف و كاروباری ئاینی، راگەیاند، مەسروور بارزانی سەرۆكی حكوومەتی هەرێمی كوردستان، بڕیاری دا سەرجەم مامۆستایانی وانەبێژ لە قوتابخانە ئاینییەكان بكاتە گرێبەست.
زیاتر گوتی، ئەو مامۆستایانە ماوەیەكی زۆرە بەشێوەی وانەبێژ لە قوتابخانە ئاینییەكان وانە دەڵێنەوە و خزمەتێكی زۆریان بە خوێندن ئاینی كردووە لە ماوەی رابردوودا، لە پای ئەو خزمەت و ماندووبوونەیش مەسروور بارزانی، لە چوارچێوەی كارەكانی كابینەی نۆی حكوومەتی هەرێمی كوردستان و خزمەتكردنی تەواوی چین و توێژەكانی كوردستان، بڕیاری دا تەواوی مامۆستایانی وانەبێژ لە قوتابخانە ئاینییەكان بكرێنە گرێبەست.
ئەو بڕیارە لە كاتێكدایە دوو هەفتەی رابردووش بڕیاری دا سەرجەم مامۆستایانی وانەبێژ بكرێن بە گرێبەست، بۆ ئەوەی كەرتی پەروەردە تووشی هیچ كێشەیەك نەبێت.
وەڵام بدەوه