وەزیری پەروەردە لەبارەی وانەبێژانەوە ڕوونكردنەوە دەدات و دەڵێت، وەك پەروەردە پشتگیریی وانەبێژانی دوورخراوە دەكەین و فۆرمێكی تر دابەش دەكرێت.
ئەمڕۆ پێنجشەم 26ـی ئەیلوول، ئالان حەمەسەعید وەزیری پەروەردەی حكوومەتی هەرێمی كوردستان ڕای گەیاند، ئێستە فۆرمی دامەزراندنی وانەبێژان دابەش دەكرێت و پڕی دەكەنەوە، ئێمەش وەك پەروەردە پشتگیرییان دەكەین.
زیاتر گوتی، ئێستە فۆرمەكانمان دابەش كردووە بەسەر پەروەردە گشتییەكان، لەوێشەوە بۆ پەروەردەی قەزاكان دەنێرێت، مامۆستایان دەتوانن لێیان سوودمەند ببن و مافیان لای ئێمە پارێزراوە.
لەبارەی ئەو وانەبێژانەی كە بە ھەر هۆكارێك بێت دوور خراونەتەوە و لە دامەزراندنی گرێبەست سوودمەند نەبوون گوتی، لە هەر كاتێكدا لەجیاتی دانان هەبێت، یاخۆ لە داهاتوودا پێویستمان با مامۆستا هەبێت لە كەرتی پەروەردە، ئەو كاتە بۆ ئێمە لە پێشینە دەبن.
وەزیری پەروەردە لەبارەی دەستپێكی پرۆسەی خوێندن و هەڕەشەی مامۆستایانەوە بۆ بایكۆتی پرۆسەكە لە ئەگەری جێبەجێنەكردنی داواكارییەكانیان گوتی، داواكارین سەرجەم مافەكانی مامۆستایان دابین بكرێت، لە گەڕاندنەوەی پلەبەرزكردنەوە و پێدانی شایستە داراییەكان لە كاتی خۆیدا.
وەڵام بدەوه