بڕیارە ئەمشەو بانگەشەی هەڵبژاردنی خولی شەشەمی پەرلەمانی كوردستان دەست پێبكات، بۆ ئەو مەبەستەش پارێزگاری هەولێر ڕاگەیەندراوێكی بڵاو كردەوە و ڕایدەگەیەنێت، داواکارین لە سەرجەم لایەنە سیاسییەکان و بەربژێران لە سنووری پارێزگای هەولێر، بەشێوەیەکی ئاشتیانە و پاراستنی دیموکراتی و یەکتر قبووڵکردن، پڕۆسەی بانگەشەی هەلبژاردن بەڕێوەببەن.
ئەمشەو 24ی 9ی 2024، ئومێد خۆشناو، پارێزگاری هەولێر ڕاگەیەندراوێكی بڵاو كردەوە و ڕایگەیاند: به‌بۆنه‌ی ده‌ستپێکردنی بانگه‌شه‌ی هه‌ڵبژاردنی خولی شه‌شه‌می په‌رله‌مانی کوردستان، کە بڕیارە لە کاتژمێر 12:00ـی ئەمشەو دەست پێبکات، داواکارین لە سەرجەم لایەنە سیاسییەکان و بەربژێران لە سنووری پارێزگای هەولێر، له پێناو به‌ڕێوه‌چوونى پڕۆسه‌کە به شێوازێكى شارستانی و بەڕەچاوکردنی پێکەوەژیانی ئاشتیيانەی نێوان پێکهاتە نەتەوەیی و ئایینەکان، ڕێزگرتن له پيرۆزییەکان و هێما و سيمبولى كوردستان و دوور لە گرژی و ئاڵۆزی، بەشێوەیەکی ئاشتیانە و پاراستنی دیموکراتی و یەکتر قبووڵکردن، بە پابه‌ندبوون بە بڕیار و ڕێنوێنييه‌كانى لیژنەی ئەمنی پارێزگا و یاساکانی كۆميسيۆنى باڵاى سه‌ربه‌خۆى هه‌ڵبژاردنه‌كان، پڕۆسەی بانگەشەی هەلبژاردن بەڕێوەببەن."
پارێزگاری هەولێر ڕاشیدەگەیەنێت: "هەموو لایەک دڵنیا دەکەینەوە، بە فەراهەمکردنی ئازادی بۆ سەرجەم لایەنە سیاسیەکان و کاندیدان بەبێ جیاوازی لە سنووری پارێزگاکەمان و به‌ڕێوه‌چوونى ماوه‌ى دیاریكراوى بانگه‌شه‌ى هه‌ڵبژاردن به‌سه‌ركه‌وتوویى، سەرجەم دامودەزگا و لایەنە ئەمنییەكانی سنووری پارێزگاکەمان ڕاسپاردووە پارێزگاری بەڕێوەچوونی ئاشتییانە و بێ كێشەی بانگەشه‌ى هه‌ڵبژاردن بن، بە ئومێدی ئەوەی ئەو ڕۆژانەی دیاریکراوە بۆ بانگەشە، بە شێوەیەکی ئارام و لە سەرخۆ و دوور لە پێشێلکاری بەڕێوەبچێت.
وەڵام بدەوه