سەرەڕای بەربەستە ناوخۆیی و دەرەكییەكان، كابینەی نۆی حكوومەتی هەرێم كۆڵی نەداوە و بە هەنگاوی جێگیر و لە هەموو بوارەكان پڕۆژەكانی جێبەجێ دەكات، ئەو لەسەر ئەو بنەمایە كار دەكات كە كوردستانێكی بەهێز واتە بنیاتنانی ئابوورییەكی بەهێز، لە هەولێر گەورەترین كارگەی دروستكردنی مۆبایل لە ڕۆژهەڵاتی ناوەڕاست دەستی بە بەرهەمهێنان كرد.
وەك لە راگەیاندنێكی دەستەی وەبەرهێناندا هاتووە، د.محەمەد شوكری، سەرۆكی دەستەی وەبەرهێنان كارگەی "ئینفینیكس"ی تایبەت بە دروستكردنی مۆبایل بەسەر كردەوە.
كارگەكە بە یەكەم كارگەی بەرهەمهێنانی مۆبایلی زیرەك لە ڕۆژهەڵاتی ناوەڕاست دادەنرێت، كە بە هاوكاریی شارەزایانی چینی لە بواری تەكنۆلۆجیا مانگانە 30,000 مۆبایل بەرهەم دێنن، كارگەكە دەیان هەلی كاری ڕەخساندووە، كە 97% دەستی كاری ناوخۆیین و بەشێكیان كوردانی ئێزدی ڕزگاربووی دەستی داعشن.
وەڵام بدەوه