سه‌رۆك بارزانی پێشوازی له‌ سه‌ركۆماری ئێران ده‌كات

ئه‌مڕۆ پێنجشه‌ممه‌ 12ی 9ی 2024، سه‌ركۆماری ئێران گه‌یشته‌ هه‌ولێر و له‌ لایه‌ن نێچیرڤان بارزانی، سه‌رۆكی هه‌رێمی كوردستانه‌وه‌‌، پێشوازیی لێ كرا.
مەسعود پزیشکیان، سەرکۆماری ئێران، دوای گه‌یشتنی به‌ هه‌ولێر له‌گه‌ڵ سه‌رۆكایه‌تیی حكوومه‌تی هه‌رێمی كوردستان و سه‌رۆكایه‌تیی هه‌رێمی كوردستان كۆ بووه‌وه‌.
كه‌مێك پێش ئێستا، سه‌رۆك مه‌سعود بارزانی، پێشوازیی له‌ مه‌سعود پزیشكیان سه‌ركۆماری ئێران كرد و چەند بابەتێكی هەنووكەیی تاوتوێ دەكەن.
بڕیار وایه‌ هه‌ر ئه‌مڕۆ له‌ هه‌ولێر سه‌ركۆماری ئێران له‌گه‌ڵ به‌شێك له‌ لایه‌نه‌ سیاسییه‌كانیش كۆ ببێته‌ و باس له‌ به‌هێزكردنی په‌یوه‌ندییه‌كانی نێوان هه‌رێمی كوردستان و ئێران و هه‌روه‌ها باسی ئاڵوگۆڕی بازرگانیی نێوان هه‌ردوولا و چه‌ند ته‌وه‌رێكی تریش بكرێت.