بۆ ڕێگریكردن و خۆپارێزی لە نەخۆشی كۆلێرا، لیژنەی باڵای بەرەنگاربوونەوەی (كۆلێرا) سكچوونی توند لە بەڕێوەبەرایەتیی گشتیی تەندروستیی هەولێر كۆبوویەوە و بۆ هۆشیاركردنەوەی هاووڵاتیان، جەختیان لەسەر دابینكردنی پێداویستییە پزیشكییەكان و بڵاوكردنەوەی ڕێنماییە تەندروستییەكان كردووەتەوە.
ئەمڕۆ چوارشەممە 4ی 9ی 2024، بەڕێوەبەرایەتیی گشتیی تەندروستیی هەولێر لە پەیجی تایبەتیی خۆی لە تۆڕی كۆمەڵایەتیی (فەیسبووك) بڵاوی كردەوە، كە بەسەرپەرشتی د. دلۆڤان محەممەد فاتیح جەلال، بەڕێوەبەری گشتیی تەندروستی هەولێر لیژنەی باڵای بەرەنگاربوونەوەی (كۆلێرا) سكچوونی توند كۆبوویەوە.
ئاماژەی بەوەش كردووە، كە قەسەر لەسەر "ئامادەکاری بۆ بەرەنگاربوونەوە و ڕێگریکرن لە بڵاوبوونەوەی (کۆلێرا) سکچوونی توند لەسنووری شاری هەولێر و ئامادەکاری لەسەر پرسی پێداویستی پزیشکی، تاقیگەیی، دەرمانی چارەسەر، پشکنینی ئاوی بیرەکان، پشکنینی تانکەری ئاوی خواردنەوە و گشتاندنی ڕێنماییەکان و هۆشیاریکردنەوەی هاووڵاتیان لە ڕێگەی بەشی ڕاگەیاندن و هۆبەی پتەوکردنی تەندروستی و سۆشیاڵ میدیا و بڵاوکردنەوەی ڕێنماییەکانی خۆپارێزی لە شوێنە گشتییەکان و چێشتخانەکان و شوێنە گەشتیارییەکان." كراوە.
لە كۆتایی كۆبوونەوەشدا ئەندامانی لیژنەی باڵای بەرەنگاربوونەوەی كۆلێرا و بەشە پەیوەندیدارەكان ڕاسپێدراون بۆ جێبەجێكردنی ڕێكار و ڕێنماییە تەندروستییەكان.
وەڵام بدەوه