ئاسایشی هەولێر رایدەگەیەنێت، دوو تۆمەتبار دەستگیرا كراون كە تۆمەتبارن بە دزینی 12 ماتۆڕسكیل لە چەند گەڕەكێكی هەولێر.
ئەمرۆ شەممە 17/8/2024، بەڕێوەبەرایەتیی ئاسایشی هەولێر راگەیاندراوێكی بڵاو كردەوە و رایگەیاندووە، دوای ئەوەی ئاگادارکرانەوە لە چەند تاوانێکی دزینی ماتۆڕسکیل لە چەند گەڕەکێکی ناوشاری هەولێر.
روونی دەكاتەوە، لەلایەن هێزەکانیانەوە دەست بە ئەنجامدانی بەدواداچون کرا و توانرا ناسنامەی دوو تۆمەتبار بەناوەکانی (م، ف، ع) و(هـ ، هـ ،ل) ئاشکرا بکرێن، دواتر بەفەرمانی دادوەری لێکۆڵینەوەی ئاسایشی هەولێر دەستگیر کران.
دووپات لەوە كراوەتەوە لە لێکۆڵینەوە لەگەڵ تۆمەتبارەکان دەرکەوت (١٢) ماتۆڕسکیلی هاوڵاتیانیان دزیوە.
وەڵام بدەوه