میدیایەكی عێراقی بڵاوی كردەوە كە یەكێك لە فەرمانبەرەكانی گومرگ لە ئیدارەی گەرمیان 250 ملیۆن دیناری دزیوە و وردەكاریەكی كەمیشی لەبارەی فەرمانبەرەكەوە بڵاو كردووەتەوە.
ئەمڕۆ شەممە 17ی ئابی 2024، ماڵپەڕی "بەغداد یەوم"ی عێراقیی لە زاری سەرچاوەیەكی ئاگەدارەوە بڵاوی كردووەتەوە، فەرمانبەرێكی حكوومی لە ئیدارەی گەرمیانی سەر بە پارێزگای سلێمانی هەستاوە بە دزینی چارەگە ملیارێك "250 ملیۆن دینار".
سەرچاوەكە ئەوەیشی گوتووە، ئەو كەسەی بە كارەكە هەستاوە ماوەی 15 ساڵە لە یەكێك لە خاڵە گومرگییەكانی ناوچەكە فەرمانبەرەو دوای ئاشكرابوونیشی دەست كراوە بە لێكۆڵینەوە لە رووداوەكە.
میدیا عێراقییەكە ئاماژەیشی كردووە كە پارە دزراوەكە "250 ملیۆن دینار" پارەی باج و داهات و رسوماتی خاڵە گومرگییەكە بووە.
وەڵام بدەوه