ئەمڕۆ پێنجشەممە 1/8/2024، وەزارەتی شارەوانی و گەشتوگوزار، ڕاگەیاندراوێكی بڵاو كردەوە، تێیدا هاتووە: "مەسرور بارزانی، سەرۆكی حكوومەتی هەرێمی كوردستان مەرج و ڕێكارەكانی تایبەت بە چارەسەركردنی گرفتی موڵكە بەكرێدراوەكان لە وەزارەتی شارەوانی و گەشتوگوزار پەسەند كرد، كە دەبێتە هۆی ئاسانكاریی زیاتر بۆ ئەو خاوەنكارانەی كرێگرتەی موڵكی شارەوانین، یان ئەوانەی دەیانەوێت لە داهاتوودا ببنە كرێگرتە."
ئەوەش خراوەتە ڕوو: "ڕۆژی 28ی تەممووزی 2024، بە نووسراوی فەرمیی ساسان عەونی، وەزیری شارەوانی و گەشتوگوزار ژمارە 752، گشتاندن بۆ دەستەی گەشتوگوزار و هەموو بەڕێوەبەرایەتیی گشتی و سەرۆكایەتیی شارەوانییەكان و بەڕێوەبەرایەتیی نەخشەدانانی ئاوەدانیی پارێزگا و ئیدارە سەربەخۆكان كراوە، تا ئەو مەرج و ڕێكارە نوێیانە پەیڕەو بكرێ، كە ئامانج لێی چاسەرەكردنی گرفتە كەڵەكەبووەكانە كە لە ماوەی ساڵانی ڕابردوودا دووچاری موڵكەكانی شارەوانی بووەتەوە، بەم ڕێكارەش دەتوانرێت چارەسەری گرفتەكان بكرێت و كرێگرتەكان سوودمەند دەبن."
وەڵام بدەوه