لە گەڕەکی ڕاپەڕینی شاری سلێمانی کارمەندێکی کۆماندۆ دەستڕێژی گوللە لە کەسێک دەکات و دەیکوژێت، کەسێکی دیکەش بریندار دەکات. دوێنێ ئێوارە کارمەندێکی کۆماندۆ لە بازاڕی لەفەفرۆشانی گەڕەکی ڕاپەڕینی شاری سلێمانی، سەردانی چایخانەیەک دەکات و لەگەڵ چایچییەکە دەبێتە دەمەقاڵێیان، بەڵام بەبێ شەڕ کۆتایی دێت، ئەمشەویش لە هەمان شوێن جارێکی دیکە دەمەقاڵێ دروست بووە و تەقەکردنی تێکەوتووە. کارمەندەکەی کۆماندۆ تەقەی لە چایچییەکە کردووە و دەستبەجێ گیانی لەدەست داوە، کەسێکی دیکەی مەدەنیش بەسووکی بە فیشەک بریندار بووە.
لێدوانی فەرمی: سەرچاوەیەک لە ئاسایشی سلێمانی وێڕای پشتڕاستکردنەوەی هەواڵەکە بۆ ئاڤا نیوز، ڕایگەیاند تیمەکانیان لە شوێنی ڕووداوەکەن و سەرقاڵی لێکۆڵینەوەن. سەرچاوەیەکی باڵا لە هێزی کۆماندۆ کە هێزێکی سەربازیی تایبەتە، رگەیاند: "کارمەندێکی ئەوان لەنێو لەفەفرۆشانی گەڕەکی ڕاپەڕین کەسێکی بە فیشەک کوشتووە، لەلایەن هێزی کۆماندۆ دەستگیرکراوە و ڕادەستی ئاسایش کراوە".
وەڵام بدەوه