دەستەی دەستپاکیی عێراق ئاشکرای دەکات، بە چوار قۆناغ لە کڕینی پێداویستی پزیشکی، کڕینی ئامێری کیمیایی و واژۆکردنی گرێبەست بە پێچەوانەی ڕێنمایییەکان، زیاتر لە 445 ملیۆن دینار لە بەڕێوەبەرایەتیی تەندروستیی کەرکووک ون بووە. دیاردەی گەندەڵی لە عێراق جۆراوجۆرە، سەرجەم کەرتەکانی گرتووەتەوە و بەردەوام لە زیادبووندایە، بەهەدەردان و بردنی پارەش لە گرێبەستەکان یەکێکە لە گەندەڵییە دیارەکان. دەستەی دەستپاکی عێراق ئاماژەی بە گەندەڵییەکان کردووە و ڕایگەیاندووە: "بەڕێوەبەرایەتیی تەندروستیی کەرکوک بۆ دابینکردنی 10 ئامێری تایبەت بە نەشتەرگەری نازوور، گرێبەستێکی بە بڕی 287 ملیۆن و 500 هەزار دینار کردووە، لە کاتێکدا جۆری ئامێرەکان لە خراپترینەکانن". بەپێچەوانەی ڕێنماییەکان گرێبەستێکی دیکەی بە بڕی 63 ملیۆن دینار کردووە. هەروەکا لەکاتێکدا 88 ملیۆن دینار بۆ کڕینی ئامێری کیمیایی تەرخان کراوە، لیژنەیەک ڕاسپێردراوە جارێکی دیکە ئامێرەکە لە کۆمپانیایەکی دیکە بکڕن. دەستکاری پسوولەی پێداویستیی پزیشکی لە تەندروستیی حەویجە کراوە و حەوت هەزار و 900 پارچە کراوەتە 79 هەزار پارچە لە پێدوایستییەکان.
وەڵام بدەوه