ڕۆژی دوو شەممە دووەمین کۆبونەوەی لیژنەی هاوبەشی نێوان هەرێمی کوردستان و حکومەتی عێراق لەسەر یەکخستنی سیاسەتی گومرگی و چارەسەری کێشەکانی تایبەت بە خاڵە سنوورییەکان لە چوارچێوەی یاسا و دەستوور لە نێوان هەردوولا بەسەر پەرشتیی دکتۆر محەمەد تەمیم، جێگری سەرۆکوەزیران و وەزیری پلاندانانی عێراق بەڕێوەچوو.
لە کۆبوونەوەکەدا کە هەریەک لە بەڕێزان ڕێبەر ئەحمەد وەزیری ناوخۆ و ئاوات شێخ جەناب وەزیری دارایی و بەڕێوەبەری گشتیی گومرگ لە هەرێمی کوردستان و لە حکومەتی عێراقیش وەزیرانی ناوخۆ و داد و ئاوەدانکردنەوە و خوێندنی باڵا و بەرپرسانی دەستەی دەروازە سنوریەکان ئامادەی بوون، گفتوگۆ لەسەر ئەو کێشە و گرفتانە کرا کە لە بواری گومرگ و خاڵە سنووریەکان لە نێوان هەردوولا هەن و جەخت لەسەر جێبەجێکردنی خاڵەکانی کۆنووسی کۆبوونەوەکانی ڕابردوو کرایەوە وەک نەخشەڕێگەی چارەسەری کێشەکان.
لە کۆتایی کۆبوونەوەکەدا شاندی هەردوولا هاوڕابوون کە یەک سیاسەتی گومرگی لەسەر ئاستی عێراق و هەرێمی کوردستان جێبەجێ بکرێت و هەماهەنگی زیاتر بکرێت بۆ پاراستی بەرهەمی ناوخۆ و جێبەجێکردنی ڕۆژنامەی کشتوکاڵی، بۆ ئەو مەبەستەش بڕیارە هەماهەنگی و کۆبونەوەکان بەردەوامی هەبێت تا گەیشتن بە ڕێکەوتنی کۆتایی.
وەڵام بدەوه