بەرپرسێكی حەج و عومرەی هەرێمی كوردستان رای دەگەیەنێت، ژمارەیەك لە حاجی كورد لەڕێی ڤیزەی گەشتیاری هاتوونەتە سعوودیە لە دوێنێەوە چارەنووسیان نادیارە.
ئەمڕۆ یەكشەم 16ـی حوزەیران، كاروان ستوونی بەڕێوەبەری راگەیاندنی حەج و عومرەی هەرێمی كوردستان راگەیاند، لەلایەن چەند كەسێك كە كەسوكاری حاجین و بە ڤیزەی گەشتیاری هاتوونەتە سعوودیە پێوەندیمان پێوەكراوە.
زیاتر گوتی، ئەو كەسانە پێیان راگەیاندووین، لە دوێنێەوە كەسوكاریان پێوەندییان لەگەڵیان نەماوە و چارەنووسیان نادیارە. ژمارەی ئەو حاجیانەی چارەنووسیان نادیارە چوار حاجییە و ژمارەی تەلەفۆنەكانیان داخراوە و پێوەندییان لەگەڵ كەسوكاریان پچڕاوە. پێشتر بەرپرسانی حەج و عومرە لە هەرێمی كوردستان هۆشداریان لەو جۆە حەجكردنە دابوو كە مەترسی لەسەر ژیانیان دروست دەبێت و ئەگەر شتێكیان بەسەر بێت ناتوانن هیچیان بۆ بكەن خۆیان بەرپرسیار دەبن.
وەڵام بدەوه