کەش و ھەوای ڕۆژانی جەژنی قوربانی راگەیاندرا

شارەزایەکی بواری کەشناسی ئاشکرای کرد کە شەپۆلێکی گەرما هەرێمی کوردستان دەگرێتەوە و لە رۆژانی جەژنی قوربان پلەکانی گەرما بە ڕێژەیەکی بەرچاو بەرزدەبێتەوە.

ئەمرۆ سێشەممە 11/6/2024، ئاراس جەبار، شارەزای بواری کەشناسی بڵاوی کردەوە: "لە ھەفتەی ئاییندە لە رۆژانی جەژنی قوربان ناوچەکانمان دەکەوێتەوە ژێر کاریگەری بارستە ھەوایەکی گەرم لە باکووری کیشوەری ئەفریقاوە و چاوەڕوان دەکرێت پلەکانی گەرما بەرێژەیەکی بەرچاو بۆ ئەو کاتە بەرزبوونەوە بەخۆیەوە ببینێت بۆ سەروو تێکرایەکانی."

ئاماژەشی بەوە داوە کە کاریگەریی ئەو شەپۆلە گەرمایە تاوەکوو 21/6/2024، بەردەوامی دەبێت و دوابەدوای ئەگەری گۆڕانکاریی و نزمبوونەوەی پلەکانی گەرما دەبێت.

روونیشی کردووەتەوە کە بەرزترین پلەی گەرمی پێشبینیکراو لەماوەی کاریگەریی ئەم شەپۆلی گەرمایە بەم شێوەیەی خوارەوە دەبێت:

ھەولێر: 44 بۆ 45 پلە

سلێمانی: 42 بۆ 43 پلە

دھۆک: 42 بۆ 43 پلە

ھەڵەبجە: 43 بۆ 44 پلە

کەرکووک: 45 بۆ 47 پلە

ئیدارەی گەرمیان: 47 بۆ 48 پلە

ئیدارەی راپەرین: 43 بۆ 44 پلە

ئیدارەی سۆران: 41 بۆ 42 پلە

ئیدارەی زاخۆ: 42 بۆ 43 پلە