كەشناسیی هەرێمی كوردستان رای گەیاند، ئەمڕۆ بارانبارین بەردەوام دەبێت و كەش بەهۆی كاریگەریی نزمەپەستانی نیمچەدوورگەی عەرەبی، ئاسمان بە گشتی لە نێوان نیمچەهەور و هەوری تەواو دەبێت.
ئەمڕۆ دووشەممە، كەشناسیی هەرێمی كوردستان بڵاوی كردووەتەوە، ئەمڕۆ كەش بەهۆی كاریگەریی نزمەپەستانی نیمچەدوورگەی عەرەبی، ئاسمان بە گشتی لە نێوان نیمچەهەور و هەوری تەواو دەبێت، لەگەل بارینی تاوەباران و هەورەبروسكەی پچڕپچڕ بەتایبەتی لە ناوچەكانی رۆژهەڵاتی هەرێمی كوردستان (پارێزگای سلێمانی و ئیدارەی سەربەخۆی راپەڕین و سۆران و گەرمیان)، هەروەها بەرزبوونەوەی تۆز و خۆڵ بەهۆی خێرایی با تا كاتەكانی ئێوارە بەردەوامی دەبێت، كاریگەریی تۆز و خۆڵ لە ناوچەكانی باشووری هەرێمی كوردستان زیاتر دەبێت.
باس لەوەش كراوە، پلەكانی گەرما بەگشتی نزیكەی دوو بۆ چوار پلە نزم دەبێتەوە، لە ناوچەكانی رۆژهەڵاتی هەرێمی كوردستان كەمێك زیاتر دادەبەزێت بۆ چوار بۆ شەش پلە لە تۆماركراوی دوێنێ .
باس لەوەش كراوە، سبەی سێشەم ئاسمان لە نێوان پەڵەهەور و نیمچەهەور دەبێت لە كاتەكانی بەیانی، لە ناوچە سنوورییەكانی رۆژهەڵاتی هەرێمی كوردستان، ئەگەری كەمێك تاوەبارانی پچڕپچڕ هەیە، لە كاتەكانی ئێوارە كەشی هەرێم سەقامگیر دەبێتەوە.
بەرزترین پلەكانی گەرمای پێشبینیكراو بە پلەی سیلیزی :
هەولێر : 41
سلێمانی : 36
دهۆك : 38
كەركووك : 42
هەڵەبجە : 38
زاخۆ : 39
سۆران : 35
حاجی ئۆمەران : 26
گەرمیان : 44
وەڵام بدەوه