هەژار حەكیم، بەڕێوەبەری ڕاگەیاندن و پەیوەندییەكانی ئیدارەی سەربەخۆی سۆران ڕاگەیاند: "لە درێژەی كار و پڕۆژە خزمەتگوزارییەكانی حكوومەتی هەرێمی كوردستان، ئەمڕۆ پێنجشەممە 5ـی حوزەیرانی 2024، بە ئامادەبوونی هەڵگورد شێخ نەجیب، سەرپەرشتیاری ئیدارەی سەربەخۆی سۆران و بەرپرسانی دیكەی حكوومی و حزبی، لە مەراسیمێكدا بەردی بناغەی پڕۆژەی ڕاكێشانی تۆڕی ئاوی خواردنەوە بۆ ناحیەی قەسرێ دانرا و دەچێتە واری جێبەجێكردنەوە."
گوتیشی: "پڕۆژەی تۆڕی ئاوی خواردنەوەی ناحیەی قەسرێ لەسەر ڕاسپاردەی مەسرور بارزانی، سەرۆكی حكوومەتی هەرێمی كوردستان، بە گوژمەی ملیارێك و 687 ملیۆن و 556 دینار، لەسەر بودجەی وەزارەتی شارەوانی و گەشتوگوزار و بەڕێوەبەرایەتیی گشتیی ئاو و ئاوەڕۆ بە سەرپەرشتی بەڕێوەبەرایەتیی ئاوی سۆران لەلایەن كۆمپانیای (گەرەوان و سۆلاڤی باشوور) جێبەجێ دەكرێت."
وەڵام بدەوه