پێشەوا هەورامانی، گوتەبێژی حكوومەتی هەرێمی كوردستان رای دەگەیەنێت، ژمارەیەک پەرلەمانتاری کورد بوونەتە گوتەبێژی مووچەبڕان و میدیاکانی مووچەبڕانی ناوخۆ بێ ئارام و پەرێشان خەریکی دژایەتی و پڕوپاگەندە و هەواڵی پڕ کینەن دژ بە حکوومەت و دەرئەنجامی هەوڵەکانی سەرۆکوەزیران.
پێشەوا ھەورامانی لە لاپەڕەی خۆی لە فەیسبووك نووسیویەتی "لەبارەی پەسەندکردنی خشتە نوێیەکانی بودجەی فیدراڵی لەلایەن ئەنجومەنی نوێنەرانی عێراق بۆ ساڵی ۲٠۲٤ و ۲٠۲٥، ئێستا کە خەریکە هەوڵ و کۆبوونەوەکانی سەرۆکوەزیران دەگەنە ئەنجام و مافە داراییەکانی خەڵکی هەرێمی کوردستان بە یاسا جێگیر دەکرێن و سەرۆکوەزیران هەوڵی داوە مووچە و بودجە لەبابەتەکانی دیکە جیا بکرێنەوە، ژمارەیەک پەرلەمانتاری کورد بونەتە گوتەبێژی مووچەبڕان و میدیاکانی مووچەبڕانی ناوخۆ بێ ئارام و پەرێشان خەریکی دژایەتی و پڕوپاگەندە و هەواڵی پڕ کینەن دژ بە حکوومەت و دەرئەنجامی هەوڵەکانی سەرۆکوەزیران."
ئاماژه‌ی به ئه‌وه‌ش داوه: "بەڵام خەڵکی کوردستان دڵنیا دەکەینەوە کە کاروانی ئاوەدانی و پاراستنی مافەکانی خەڵک لەچوارچێوەی دەستوری عێراق بەردەوام دەبن و بە ئەمانەتەوە بەرگرییان لێدەکرێت و ئەوەشی لەبەرەی موچە بڕانە وەک هەموو جارێک بێهیوا دەکرێت،با سەرۆکوەزیران مووچە وەرگربێت و ئێوەش هەر مووچەبڕ."
وەڵام بدەوه