شارەزایەكی كەشناسی رای گەیاند، لە سەرەتای مانگی حوزەیران كە دەكاتە هەفتەی داهاتوو، شەپۆلێكی گەرما بەڕێوەیە و پلەكانی گەرمای لە هەندێك شوێن لە نیوەی كوڵان تێپەڕ دەكات.
ئەمڕۆ سێشەممە هەڤاڵ گڵۆزی شارەزای كەشناسی، راگەیاند، لە سەرەتای مانگی شەش شەپۆلێكی گەرمای بەتین و پرووكێنەر، عێراق و هەرێمی كوردستان دەگرێتەوە پلەی گەرمای ناوچەكانی باشووری عێراق دەگاتە پلەی نیوەی كوڵان .زیاتر گوتی، لە ئەمڕۆوە لە سەرجەم ناوچە جیاجیاكانی عێراق و هەرێمی كوردستان، بەهۆی كاریگەریی بارستە هەوای گەرمی ئەفریقی كە بە بارستە هەوای (خەماسینی) نەسراوە، پلەكانی گەرما بەرزبوونەوەی زیاتر بەخۆیەوە دەبێنێت بۆ سێ بۆ چوار پلە سیلیزی بەرز دەبێتەوە، كەشێكی گەرم لە زۆربەی ناوچەكانی هەرێمی كوردستان تا كۆتایی هەفتە كاریگەری زیاتر دەبێت. باسی لەوەش كرد، لە سنووری پارێزگای كەركووك و ناوچەكانی ئیدارەی گەرمیان، پلەكانی گەرما (42 - 45) پلەی سیلیزی تێپەڕ دەكات، بەڵام لە شەواندا لە سەرجەم ناوچەكانی هەرێم مامناوەند دەبێت، هۆكاری سەرەكیی ئەو گەرمایەش دەگەڕێتەوە بۆ بوونی شێ ڕێژەیی لە ناوچە جیاوازەكانی هەرێم، تێكەڵبوونی لەگەڵ بارستە هەوای گەرمی ئەفریقی ئەو گەرمایە دروست دەكات .
ئاشكرای كرد، لە سەرەتای مانگی شەش، شەپۆلێكی بەتین و تاقەت پرووكێنەری گەرما ڕوو لە سەرجەم ناوچە جیاوازەكانی عێراق دەكات، پلەكانی گەرما بەرزبوونەوەی بەرچاو بەخۆیەوە دەبینێت، هەرێمی كوردستانیش دەگرێتەوە، پلەكانی گەرما لە هەندێ ناوچەی باشووری عێراق 50 پلەی سیلیزی تێپەڕ دەكات، بۆ ماوەی یەك هەفتە بەردەوام دەبێت .
وەڵام بدەوه