ئومید خۆشناو پارێزگارى هەولێر سەردانى تیمی چاککردنەوەی بۆڕی ئاوی ئیفراز سێی هەولێردەکات

ئەمشەو شەممە 2022.7.9، بەمەبەستی لەنزیکەوە ئاگاداربوون لەچۆنیەتی بەڕێوەچوونی کارەکان، سەردانی تیمی چاککردنەوەی بۆڕی ئاوی ئیفراز سێی هەولێرمان کرد.
لەنزیکەوە لە چۆنیەتی بەڕێوەچوونی کارەکان و هۆکاری شکانی بۆڕی ئاوی ئیفرازسێمان کۆڵیەوە، کە ئەمڕۆ دوای چەند کاتژمێرێک دوای چاککردنەوەی، جارێکی دیکە لە شوێنێکی دیکەی نزیک لە شوێنی شکانی پێشوو، شکایەوە و لەئێستاشدا تیمی چاککردنەوە سەرقاڵی چاککردنەوەین، لەوبارەیەشەوە وێڕای دەستخۆشیمان لە تیمەکە کە بەشەو و ڕۆژ و بەم جەژنە لەکاردان بۆ چاککردنەوەی و گەڕاندنەوەی ئاوی پاک بۆ هاوڵاتییان، تەئکیدمان لەوەکردەوە کە دەبێت بەهەمووشێوەیەک پەلەبکرێت لەچاککردنەوەی بۆڕییەکە، هەروەها دڵنیایشی دەدەینە هاوڵاتییان کە کاری تیمەکان بەردەوام دەبێت تاوەکو بەیانی بۆڕییەکە بەتەواوی چاککدەکرێتەوە و ئاو دەگەڕێتەوە هەموو ئەو گەڕەک و ماڵانەی کە بەهۆی شکانی بۆڕیەکەوە دووچاری بێ ئاوی هاتوون.