وەزارەتی گواستنەوە و گەیاندن، سەرقاڵی ئامادەكردنی تەواوی كارەكانی سیستمی پێوەری تاكسییە و لە مانگی تەمووزدا دەخرێتە بواری جێبەجێكردن.
ئەمڕۆ یەكشەممە، وەزارەتی گواستنەوە و گەیاندنی عێراق بڵاوی كردووەتەوە، ئامادەكاری دەكەن بۆ كاراكردنی سیستمی "پێوەری تاكسی" و لە سەرەتای مانگی تەمووزی داهاتوودا بخرێتە كار.
ئەو وەزارەتە دەڵێت، ئەو بڕیارە لە چوارچێوەی پلانەكەیانە بۆ ڕێكخستنی كاری "تاكسی” بەشێوەیەك كە لەگەڵ بارودۆخی ئابووری و ژیانی هاووڵاتییان و شۆفێران بگونجێت.
ئاماژە بەوەیش كراوە، ئەو كارە لە چوارچێوەی یاسای گواستنەوەی سەرنشیندایە، هەنگاوەكەش لەگەڵ خستنەڕووی ئەپڵیكەیشنێكە بەناوی نیشتمانی تاكسی لە ماوەی ئەو مانگە بەردەست دەبێت.
ئەو وەزارەتە دەڵێت، بەكارهێنانی پێوەر باشترین ڕێیە بۆ حیسابكردنی كرێی هاتوچۆ لە ڕووی دووری و كاتەوە، هەروەها بە لەبەرچاوگرتنی بارودۆخی كۆمەڵایەتی و ئابووری هاووڵاتی.
بەگوتەی بەرپرسانی ئەو وەزارەتە، ئەم هەنگاوانە دەبێتە هۆی نەهێشتنی چەندان دیاردەی نەرێنی، لەوانە هەڕەمەكی لە كاردا. هاوكات كار دەكەن بۆ كۆتاهێنان بە دیاردەی خاوەن ئۆتۆمبێلی تایبەت كە كێبەركێ لەگەڵ خاوەن تاكسییەكان دەكەن بۆ كارەكانیان، بە دانانی كۆنترۆڵی تایبەت و مەفرەزەكان بۆ بەدواداچوون بۆ سەرپێچییەكانی ئەم ئۆتۆمبێلانە.
وەڵام بدەوه