دەمیرتاش بە زیاتر لە 24 ساڵ زیندانیکرا

دەمیرتاش بە تۆمەتی " تێكدانی یەکڕیزی و یەکپارچەیی دەوڵەت" بە 20 ساڵ زیندانی و چوار ساڵ و شەش مانگ زیندانی تۆمەتی "هاندانی تاوان" سزا دراوە. دانیشتنی دادگەی باڵای تاوانەكانی ئەنقەرە، بەبێ ئامادەبوونی سەڵاحەدین دەمیرتاش و ئەندامەکانی دیکەی هەدەپە بەڕێوەچوو،  18کەس لەوانە حوکمدراون ئازادن،  18کەسی دیکەیان دەستبەسەرن، 72 کەس لەو تۆمەتبارانە دەستبەسەر نەکراون و هەڵاتوون. دەمیرتاش، بەهۆی ئەو وتارەی لە نەورۆزدا لە 21ی ئازاری 2016دا پێشکەشی کرد، سزای دوو ساڵ و شەش مانگ زیندانی بەسەردا سەپێندرا، هەروەها بە تۆمەتی "هاندانی خەڵک بۆ سەرپێچیکردنی یاسا" لە وتارەکەیدا لە ئامەد، لە 29ی شوباتی 2016، سزای ساڵێک و شەش مانگ زیندانیکردنی بەسەردا سەپێندرا. فیگەن یوکسەکداغ، هاوسەرۆکی پێشووتری هەدەپە  32 ساڵ و نۆ مانگ سزای زیندانیکردنی بۆ دەرچوو، لە کاتێکدا، پێشووتر بە 19 ساڵ زیندانی سزادرابوو.