Kurdistan Press - مەرجەکانی دابەشکردنی زەوی بڵاودەکرێنەوە مەرجەکانی دابەشکردنی زەوی بڵاودەکرێنەوە | Kurdistan Press

KurdistanPress...

CLOSE

مەرجەکانی دابەشکردنی زەوی بڵاودەکرێنەوە

وەزارەتی شارەوانی و گەشتوگوزاری حكوومەتی هەرێمی كوردستان مەرج و رێنماییەكانی تایبەت بە دابەشكردنی زەوی بەسەر فەرمانبەران بڵاو كردەوە.

موفیدە یوونس راوێژكاری یاسایی وەزارەتی شارەوانی گوتی: بەپێی بڕیاری ئەنجوومەنی وەزیرانی هەرێمی كوردستان تایبەت بە دابەشكردنی زەوی بەسەر فەرمانبەران، وەزارەتی شارەوانی و گەشتوگوزار هەستاوە بە ئەنجامدانی ڕێكارەكانی تایبەت بە دابەشكردنی زەوی و بۆ ئەمەش ڕێنمایی تایبەتی ئامادە كردووە و لەلایەن وەزیری شارەوانییەوە واژوو كراوە و دواتر لە وەقائیعی كوردستان بڵاو دەكرێتەوە.

گوتیشی: ئەو فەرمانبەرانەی پێشتر سوودمەند نەبوون و هەروەها ئەو خانەنشینانەشی لە كاتی خزمەتی وەزیفیدا سوودمەند نەبوون، پێدانی زەوی دەیانگرێتەوە.

هەروەها گوتی: دابەشكردنی زەوی بەسەر فەرمانبەران بەپێی دوو بنەما دەبێت، كە شوێنی لەدایكبوون و شوێنی كاركردنە، بۆ ئەوەش فەرمانبەر سەرپشك دەبێت كە لە شوێنی لەدایكبوونی یان سنووری شوێنی كارەكەی زەوی وەربگرێت.

راوێژكاری یاسایی وەزارەتی شارەوانی ئاماژەی بەوەش دا كە دابەشكردنی زەوی لە سنووری هەر شارەوانییەك بەپێی تیروپشك دەبێت بەسەر فەرمانبەران و بەپێی خاڵبەندی دەبێت، خاڵبەندییەكەش بەپێی ساڵانی خزمەت و ژمارەی ئەندامانی خێزانە، بۆیە هەر فەرمانبەرێك پێشتر سوودمەند نەبوویێت و خزمەتی لە 8 ساڵ زیاتر بێت، وەرگرتنی زەوی دەیگرێتەوە.

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه