ئەمڕۆ چوارشەممە 8/5/2024، سەرۆكایەتیی شارەوانیی هەولێر، ڕاگەیاندراوێكی بڵاو كردووەتەوە و ئاماژە بەوە دراوە، شەوی ڕابردوو لەلایەن تیمەکانیان لە شارەوانیی یەک، بە هەماهەنگی لەگەڵ پۆلیسی شارەوانی، دەست بە هەڵمەتێکی فراوانی ڕێکخستنەوەی شۆستە و شەقامەکان و لادانی پەردەی دووکانەکانی هەردوو بازاری شێخەڵڵا و تەیراوە كرا، هەروەها تەواوی زێدەڕۆییەکان لادران و هەڵمەتەکەش ڕۆژانە لە سنەوری سەرجەم شارەوانییەکانی سەر بە سەرۆکایەتیی شارەوانیی هەولێر بەردەوام دەبێت.
بەپێی زانیارییەكان، ئەو هەڵمەتە فراوانەی سەرۆكایەتیی شارەوانیی هەولێر بۆ ڕێگرییە لە تەشەنەكردنی زیاتری ئاگر لە ڕووداوی ئاگركەوتنەوەدا، چونكە چەند ڕۆژێك پێش ئێستا كاتێك بازاڕی قەیسەریی هەولێر ئاگری گرت، هەروەها لە ڕووداوەكانی ئاگركەوتنەوە لە بازاڕی لەنگە، بە گوتەی بەرگریی شارستانی و خەڵك و خاوەن دووكانەكانی بازاڕەكان، دانانی پەردە و زیادەڕۆییكردن لە هێنانەدەرەوەی كاڵاكان لە دووكانەكاندا، ئاگر زیاتر تەشەنە دەكات و دەبێتە هۆی ئەوەی هەر ئاگرێك لە دووكانێك هەبێت، زۆربەی دووكانەكانی چواردەوریشی ئاگر بگرن.
وەڵام بدەوه