ئەمشەو دووشەممە 6/5/2024، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "کاریگەری ئەم شەپۆلی بارانبارینەی ماوەی چەند ڕۆژێکە بە پچڕپچڕی ڕوویکردۆتە سەرجەم ناوچەکانی هەرێمی کوردستان، ڕۆژی چوارشەممە بەرەو لاوازبوون دەچێت و لە کاتی ئێوارە بارانبارین کۆتایی دێت و لە کۆتایی ئەم هەفتەیەش پلەکانی گەرما بەرز دەبێتەوە و بارستە هەوای گەرمی خەماسینی کە بە گەرمای ئەفریقی ناسراوە جێگەی ئەم نزمەپه ستانە دەگرێتەوە."
ئاماژەی بەوە داوە: "ئەمشەو دووشەممە لەسە رسێشەممە بارانبارین لەسەرجەم ناوچە جیاوازەکانی هەرێمی کوردستان بە پچڕپچڕی بەردەوام دەبێت و ئەگەری چالاکبوونی هەورەبرووسکە و تاوەبارانی مامناوەند و بەخوڕ هەیە."
روونیشی کردووەتەوە: "سبەی سێشەممە بارانبارین لە زۆربەی ناوچە جیاجیاکانی هەرێمی کوردستان (هەولێر، دهۆک، زاخۆ، کەرکووک، سلێمانی، گەرمیان، هەڵەبجە، ڕاپەرین و سۆران) بەردەوام دەبێت و لە کاتە جیاوازەکاندا ئەگەری چالاکبوونی هەورەبرووسکە و تەرزە و بارانی مامناوەند بۆ بارانی بەخوڕ هەیە."
وەڵام بدەوه