هاوکارییە داراییەکانی کۆمیسیۆن ڕاگیراوە، بەهۆی ئەوەی بڕیاری دواخستنی هەڵبژاردنی پەرلەمانی کوردستان دراوە بۆ نیوەی دووەمی مانگی 10، ئەگەر کۆمیسیۆن تاوەکو ئەوکات متمانە وەربگرێتەوە هەڵبژاردنەکان بەڕێوەدەبەن، چونکە تاوەکو 07-07-2024 ماوەیی یاسایی کۆمیسیۆن بەسەر دەچێت. بڕیارە سەرۆکایەتی هەرێمی کوردستان لە هەفتەی داهاتوو مەرسوومێک دەربکات بۆ دیاریکردنی وادەیەکی نوێ بۆ هەڵبژاردنی پەرلەمانی کوردستان.
ئەندامێکی دیاری چوارچێوەی هەماهەنگی ڕایگەیاند: نێچیرڤانی بارزانی، سەرکردە سیاسی و حکومییەکانی لە بەغدا ئاگادار کردووەتەوە کە ئەوان بەشداریی هەڵبژاردنی پەرلەمانی کوردستان ناکەن و ئەمەش "بڕیاری کۆتاییمانە"، لەسەر ئەو بنەمایەش نێچیرڤانی بارزانی ڕەزامەندیی زۆرینەی لایەنە سیاسییەکانی عێراقی وەرگرتووە.
بەپێی مەرسوومی سەرۆکایەتیی هەرێمی کوردستان، بڕیاربوو ڕۆژی 10-06-2024 هەڵبژاردنی پەرلەمانی کوردستان بەڕێوە بچێت، بەڵام پارتی دیموکراتی کوردستان تێبینی لەسەر شێوازی هەڵبژاردن هەیە.
وەڵام بدەوه