پارتی سۆسیالست لەبارەی شەڕەكەی شەوی رابردوو یەكەم راگەیەنراوی بڵاو كردەوە و ئاماژە بەوە دەكات، بەداخەوە ئەو ڕوداوەی ئەمشەو هەوڵێك بوو بۆ لەكەداركردنی ناو و ناوبانگی ئێمە.
ئەمڕۆ هەینی پێنجی نیسان، لە راگەیەنراوێكی پارتی سۆسیالستی كوردستان هاتووە، شەڕەكەی شەوی رابردوو بووە هۆی شەهیدبوونی گەنجێكی جوانخاسی زۆر نیگەران و داخداری كردین، بەداخەوە ئەو ڕوداوەی ئەمشەو هەوڵێك بوو بۆ لەكەداركردنی ناو و ناوبانگی ئێمە.
باس لەوەش كراوە، ئەو شەڕە داوێكبوو كە زۆر هەوڵماندا خۆمانی لێلابدەین، بەڵام پەلكێشی ئەو بارودۆخەیان كردین، بەئامانجی بەرزكردنەوەی ناوبانگی خۆیان لەسەر حسابی ڕژانی خوێنی گەنجانی جوانمەردی وڵاتەكەمان.
ئەو راگەیەنراوە لە كاتێكە شەوی رابردوو شەڕ كەوتە ناو هێزەكانی محەمەدی حاجی مەحموود و عەبدوڵا برای بەو هۆیەوە پێشمەرگەیەك كوژرا و سێ كەسیش بریندار بوون.
وەڵام بدەوه